البوابة
موضوع لذيذ ومفيد بنبدئه مع بعض
عشان نحاول نكون مجتمع متسامح بلا مشاكل وبلا فهم خاطئ للمواضيع
حابين نكون كلنا أســرة واحدة ونحل مشاكل بعض ونخاف على بعض ونتمنى نغير من أ نفسنا
موضوعي هوعبارة عن إقتراح ودعوة لتغير النفس
طبعا يمكن بعضكم مو فاهمين حاجه مني ولا أنا قصدي ايش
شرأيكم نشوف فكرة الموضوع اللى أفكرأني فيها وياربي تعجبكم
ا لحين مثل ما رسولنا صلى الله عليه وعلى اَله وسلم قال
ان لازم كل واحد منا
قبل لاينام ويحط راسه على مخدته الا مسامح كل الناس وما يكون شايل ضغينة على أحد أو كره
وإذا زعلان من أحد يعتذر منه ويصالحه وخيركم من بدأ بالسلام
وأيضاَ أثناء وضعنا رؤسنا على المخدة نحاسب أنفسنا على كل ما صدر منا من تصرفات في اليوم
وعن اي شيء سويناه اليوم وعجبنا والا سويناه بعد وزعلنا
أني سميت الموضوع هذا المخدة النفسية أيش رأيكم فيه؟
وبعد أتمنى الكل لما يدخلوا هالموضوع يتكلموا عن تصرفات مثل الا ذكرتها في الاعلى ((فوق)) ......
- ايش إلا زعلك اليوم وخلاكِ تعصبي واجد ومن من ؟
- ايش أكثر حاجه دخلت الفرح على قلبك اليوم ومن من ؟
- ايش الا كان تتمنيه اليوم يصير يحصل وماصار ؟
- ولو فى أحد زعلك اليوم أو ضايقش وصدر منه معاش موقف يزعلش قوليه إلينا عليه لو حابه؟ .
أكيد بتسألوا ليش كل هذا صح ؟ وليش هذي كاتبه هالموضوع!!
أقول إليكم أني ياحلوات
إني أتمنى تكون الناس كلها متسامحه مع بعض ولاأحد يزعل من أحد
الا لو كان فى حاجه قوية ما تحتمل
لان ناس واجد بتزعل من ناس وممكن تكون الناس هذي مظلومة
لكن انت الوحيد اللى شايف انهم غلطانين وغلطوا فيك
لكن ممكن يكون أراء ناس ثانيه بتشارك معانا هنا وتفيدنا
وممكن تحسسك فعلا انك انت الا حساسه جدا وتزعلي من اقل حاجه
يعني كلنا هنا بنأخذ رأي بعض
و نسيت اقول إليكم حاجه مهمة
الموضوع مفتوح كل يوم يعني الا يكتب اليوم يكتب بكره وكل يوم
لان كل واحديمر عليه حاجات كثيرة تصير في يومه وطبعا كل واحد براحته
وعلى فكره ممكن تكون الحاجه الا تقولها عاديه وغير مهمة
بس كل الموضوع ان احنا نحس ان احنا قريبين من بعض ونطمئن على بعض
الموضوع ليس جديا بطريقة بحته لكن ممكن يكون فى مجال للضحك و فى حدود الأدب طبعاوبس لهنا خلاص هذا كل الموضوع أيش رأيكم ؟ أدري هدرت واجد لكن أتحملوني
